Breaking news

Sei in:

Il commento. ’Na solussiòn definitiva per i precari: tuti licensià

I dise che con la crisi semo tuti sula stessa barca, ma a mi no me pare. Ghe ze chi che va via con lo jot e chi che va via col gomòn. Serto che ghe ze tanta confusiòn: ghe ze chi che pensa che lo «spread» sia un spray antizanzare, par esenpio.

I dise che, se va vanti cussì, fra un fià de ani mancarà un dotòre su do. Ghe ze però, in serti ospedai publici, che za da ogi capita cussì, solo che dale timbrature i risulta tuti do presenti. Go come l’impressiòn che ‘ndemo a finire come in Grecia, infàti nele cèse i ga za messo la statua de Zeus. Epure le statistiche dise che par la prima volta dal dopoguera se more de manco sul lavoro. Desso va pì de moda morìre disocupà. Ma èco, finalmente! Ze in arìvo, dopo tante discussiòn, proteste, cortèi e manifestassiòn alcuni corètivi ala manovra fiscale. Se sa che, sopratuto in Vèneto la coressiòn a ze molto apressàta. El poro citadino el gera zà pronto a 90 gradi, ormài rassegnà, in atesa del’arìvo dela stangàta. E invesse riva la «coressiòn» che la ghe someja tanto al’ojo de vaselina.

Il Gazzettino di Padova – domenica 17 Luglio 2011

Leave a Reply
 

Your email address will not be published. Required fields are marked (*)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Questo sito usa Akismet per ridurre lo spam. Scopri come i tuoi dati vengono elaborati.

site created by electrisheeps.com - web design & web marketing

Back to Top